Zvechitendero
‘Hakuna Munhu Anofa Achidzokazve Kuzogara Mune Mumwe Munhu’ -Mufundisi David Simango
Mumwe mufundisi wekereke yeZAOGGA Foward in Faith Reverend David Simango vanoti hakuna munhu anofa mweya wake odzoka kuzogar mune mumwe munhu sezvinofungwa nevamwe patsika dzechivanhu.
Muhurukuro neStudio 7 muchirongwa chinotarisa nhau dzezvitendero, Mufundisi Simango vanoti zvinotaurwa muBhaibheri zvekuti mweya waMoses, Elijah nemamwe maporofita zvakasiyana zvachose nezvechivanhu.
Kana muine mibvunzo kana kuti muine zvamungada kugovana nevamwe munyaya dzezvechitendero, tumirai mazwi enyu paWhattsAp nhamba yeZvechitendero pa +1-301-919-8140.
Vatereri Vanopa Pfungwa Dzavo Muchirongwa Che’Zvechitendero'
Vatereri vechirongwa cheZvechitendero vanokwanisa kutaura nevamwe vatereri vechirongwa ichi paStudio7.
Svondo rino, tinokuunzirai mazwi evamwe vatereri vachipa pfungwa dzavo, mazano avo kana kubvunza vamwe vatereri pamusoro pezvavanoda kunzwisisa munya yeZvechitendero.
Kana muine mibvunzo kana kuti muine zvamungada kugovana nevamwe munyaya dze Zvechitendero, tumirai mazwi enyu paWhattsAp nhamba yeZvechitendero pa +1-301-919-8140.
"Mwari Wega Ndiye Asingagumi" - Mufundisi David Simango
Vatendi, pamwe chete nevanhu vazhinji, vanotaura ne kubvunza pamusoro pe kuguma kwenyika.Pane pfungwa dzakasiyana pamusoro pe nyaya iyi sezvo vazhinji vachida kunzwisisa kuti magumiro enyika anouya sei uye kuti anoitika sei.
Vamwe vanoti kufa kwemunhu ndiko kuguma kwenyika, vamwevo vachiti kuguma kwenyika handi kwe munhu umwe chete.
Mufundisi David Simango vanoti zvinhu zvose zvakasikwa pamwe chete nenyika, zvine nguva yazvo nekuti hapana chinhu chakasikwa chisina magumo. Mufundisi Simango vanoti chisingagumi chete ndiMwari, zvimwe zvese zvinoguma.
Mwari Vanotaura Nesu Nguva Dzose – Mufundisi Blessing Makwara
MuBhaiberi, tinosangana nenguva zhinji apo Mwari vaitaura nevaranda vavo ivo vachikwanisa kutaurawo naIshe.
Vamwe vanoshamiswa kuti sei Mwari vasisatauri nesu sezvavaiita nguva dzavana Abraham, Moses, Job nevamwe.
Mufundisi Blessing Makwara vanoti Mwari havana kumbomira kutaura nesu.
“Tinofanira kuteerera zvikuru mashoko aMwari akauya nenhumwa dzake, kunyanya Mambo Jesu Kristu,” vanodaro Mufundisi Makwara.
Vanoti Mwari vachiri kutaura nesu sezvavaiita nguva dzakare.
“Tinoona kutaura kwaMwari nenzira mbiri. Mwari varikutaura kuburikidza neshoko ravo riri muBhaibhiri nokuti shoko raMwari ibenyu, harina kufa, harina kuwora.”
Mufundisi Makwara vanoti simba reshoko rakataurwa naMwari riripo nanhasi wese uye hariori nekuti Mwari wedu havashanduki - ndivo Mwari wedu wanezuro, nhasi namangwana.
VOA60 World - At Least 10 People Confirmed Dead in India Building Collapse
At Least 10 People Confirmed Dead in India Building Collapse
‘Pakunamata Mwari Panofanirwa Kuva Nekuziva’ - Mufundisi David Simango
Mufundisi David Simango vanoti chinhu chinonetsa ndechokuti vanhu havadzidziswi zvekunamata Mwari mumachechi mavo asi vanongoudzwa kuti varambe vachinamata chete.
“Kunamata kwezvokwadi kunosanganisa kuita. Mukaverenga Joshua 7:10, Mwari anoti kuna Joshua ‘Simuka, usaramba wakarara nechiso chako pasi ipapo; simuka upinde muguta ugadzirise muguta nokuti muguta mashata.’
Vanoti izvi zvinoreva kuti kutenda kusina mabasa kwakafa uye hakubatsiri, vachiti Mwari unoda kuti uku tinamate asi ukuwo pane zvatinoita kugadzirisa zvatiri kunamatira zvacho.
Mufundisi Simamngo vanoti Mwari anonzwa minamato yevana veZimbabwe asi vana veZimbabwe vanezvavanofanirwa kuita pamwe chete neminamato yavo.
'Mwari Pane Chaanoda Kudzidzisa Vana VeZimbabwe' - Mufundisi Levee Kadenge
Mufundisi Levi Kadenge vanokurudzira vana veZimbabwe kuti varambe vachinamata sezvo matambudziko avakatarisana nawo achapfuura.
Mufundisi Kadenge, avo vanodzidzisa paUnited Theological College, vanoti Mwari pane chaanoda kudzidzisa vana veZimbabwe mukutambudzika kwavo.
“Kunyangwe hazvo vana veZimbabwe vari munyatwa, vasakanda pasi mapfumo emunamato; ngavarambe vakatarisa muchinjikwa nokuti hapana chimwe chichatiponesa,” vanodaro Mufundisi Kadenge.
Vanoti vanhu vasafunga kuti mhinduro yaMwari yavanonokera nekuti Mwari pane zvaanotirongera, vachiti zvekare, Mwari anoshanda nenzira dzakawanda.
Mabhishopi Anotsigirana Mukushora Hurumende Iri Kutyora Kodzero dzeVanhu Munyika
Sangano remakereke, reZimbabwe Council of Churches (ZCC) richaita musangano waro wepagore, kana kuti 2020 General Assembly, neMugovera, Mugovera.
Munyori weZCC, Reverend Doctor Mtata, vanoti zvimwe zvichakurukurwa pamusangano uyu zvinosanganisa kusarudza mutungamiri we ZCC nemutevedzeri wake, kusarudza nhengo itsva dzebhodhi rekanzuru iyi, pamwe chete nekubuda negwaro remamiriro akaita zvinhu munyika pamwe nekubvumirana pamusoro pegwara richatevedzwa takanangana negore ra 2023, nezvimwe.
Musangano we 2020 General Assembly uyu, uri kuitwa panguva iyo mabhishopi ekereke yeAnglican abudisa gwaro rinotsigira mashoko eZimbabwe Catholic Bishops Conference (ZCBC) ekushora hurumende pamusoro pezvaanoti kutyorwa kwekodzero dzevanhu.
Hurumende yakaramba mashoko aya ari mugwaro iri ikashandisa mashoko akasimba ichipomera mutungamiri weZCBC, Bishop Robert Ndlovu, mhosva yekuda kupesanisa vanhu nekupesvedzera kusagadzikana pakati pemarudzi.
Sachigaro ve Anglican Council of Zimbabwe, Bishop Ignatius Makumbe, vaudza Studio7 kuti havasi kufara nemamiriro akaita zvinhu munyika, vachiti hapana chinoratidza kuti zvinhu zvichaita nani.
Vati hapana kubudirira kungaitika kana vanhu vasingataudzani uye kereke yavo haisi kufara nezvinhu zvakawanda zviri kuitika munyika, kusanganisira kutorerwa kwevanhu mighodhi yavo ichipiwa kuvanhu veku China.
Bishop Makumbe vati hurumende haifaniri kuita zvehasha kana ichiudzwa zviri kurwadza vanhu, vachiti mashoko akataurwa nehurumende mumhinduro yayo kugwaro reZCBC haafanirwi kubva kuhurumende, vachiti basa rehurumende ndere kuteerera zvikuru apo vanhu vanenge vachitaura zvinovanetsa nekuvarwadza.
Munyori mubazi rezvekubudiswa kwemashoko, VaNick Mangwana, havana kubatika kuti vatipe pamire hurumende panyanya iyi.
Mabhishopi eKereke yeAnglican Anotsigira Gwaro Rakanyorwa neMabhishopi eKereke yeCatholic
Sangano remabhishopi ekereke yeAnglican, reAnglican Council of Zimbabwe, rabudisa gwaro richitsigira gwaro rakabudiswa svondo rapfuura nesangano remabhishopi ekereke yeRoman Catholic, re Zimbabwe Catholic Bishops Conference (ZCBC), rakange richishora hurumende, richiti kodzero dzevanhu dziri kutyorwa uye vanhu vari kumbunyikidzwa zvikuru.
Gwaro iri rakakonzera mutauro mukuru munyika nekunze.
Hurumende yakapindura ichiramba mashoko akange ari mugwaro reZCBC, ichiti zvese ndezvemanyepo zviri mugwaro iri.
Gurukota rezvekubudiswa kwemashoko, Amai Monica Mutsvangwa, vakasvika pakushandisa mashoko ekushora nhengo dzeZCBC izvo zvakakonzerawo kuti vashorwe zvakanyanya.
Mutungamiri wenyika, VaEmmerson Mnangagwa, vakati vemakereke vanoda kuita zvematongerwo enyika vanogona kuumba bato ravo vokwikwidzavo musarudzo.
Mugwaro iri, Anglican Council of Zimbabwe (ACZ) inotsigira nekubvumirana nemashoko akataurwa nemabhishopi eZCBC pamusoro pemamiriro akaita zvinhu muZimbabwe.
Gwaro iri rakasainwa nasachigaro veACZ, Bishop Ignatios Makumbe, Bishop Godfrey Taonezvi vedunhu reMasvingo, Bishop Cleophas Lunga, (Matabeleland), Bishop Erick Ruwona (Manicaland), naBishop Farai Mutamiri (Harare).
Mabhishopi aya anoti haasi kufara nemamiriro akaita zvinhu munyika uye anoshora zvikuru mhinduro yakabva kuhurumende, achiti mhinduro yehurumende haina zvainobatsira kunzwe kwekudzosera zvinhu shure.
Nyanzvi mune zvematongerwo enyika, VaRejoice Ngwenya, vanoti vemakereke havana chavanoda kuhurumende kunze kwekuregwa vachiita basa ravo munyika.
VaNgwenya vanotiwo mabasa evemakereke anoonekwa muhuwandu hwezvikoro, zvipatara, nzvimbo dzekuchengeta nherera nezvimwe zvaanoitira vanhu vakawanda munyika.
“Hapana Chitsva Pasi Pezuva” – Rev Doctor Japhat Ndemera
Mufundisi Doctor Japhat Ndemera, vePilgrims Community Church, mudunhu reGeorgia, vanoti matambudziko atakatarisana nawo pasi pano, kusanganisa denda riri kuuraya vanhu vazhinji pasi pose, haasi matsva uye anopfuura.
Mufundisi Ndemera vanoti basa ratinaro ndere kusimudzirana, kukurudzirana nekubatsirana.
“Hapana chitsva pasi pezuva,” vanodaro Mufundisi Ndemera.
‘Tinofanirwa Kungwarira Zvatinoreva Kana Tichiti Hurumende Dzinogadzwa naMwari’ – Mufundisi David Simango
VaRoma 13:1-2, inoti, “Munhu wose anofanira kuzviisa pasi pavatungamiri venyika, nokuti hakuna simba risina kubva kuna Mwari. Vane simba rokutonga vakaiswapo naMwari. 2Saka naizvozvo, anoramba kuteerera vari kutonga, ari kumukira zvakaiswapo naMwari, uye vanoita izvi vanozvitsvagira kutongwa.”
Mashoko aya ane vazhinji vasinganyanyi kuwirirana nayo. Mufundisi David Simango vanoti mashoko aya anechokwadi, asi vanokurudzira vanhu kuti vanzwisise kuti zvirikutaurwa apa ndezvipi uye zvinoreveyi.
Maonero eAmerica Kodzero dzeZvitendero Pasi Rose
Mumashoko akataurwa mudunhu reOhio pamusoro pekusununguka kwezvitendero nguva pfupi yapfuura, gurukota rezvekudyidzana kweAmerica nedzimwe nyika, VaMike Pompeo, vakatsanangudza zvitendero “serusununguko rwekutanga pakatariswa zviri mubumbiro remitemo yenyika,” vakati “Kuremekedzwa kwepamusoro kwekodzero idzi dzisingatorerwe munhu, kunopa gwara rehurumende yedu.”
VaPompeo vakati rusununguko rwezvitendero rwuri kuiswa pnguva yakaoma pasi rose.
VaPompeo vakati vanhu vana pavanhu vashanu pasi rose, havasi kuwana rusununguko rwekufarira zvitendero zvavo.
VaPompeo vakati kuti magariro evanhu asimudzirwe kuitira kuti vanhu vave nekodzero dzekuita zvavanoda, America iri kushandisa zvose zvainokwanisa, kusanganisira kudoma nyika dzose dzinotyora kodzero dzakakosha idzi:
“Takataura pachena hondo iri kuitwa neChina mukurwisa zvitendero. Kuisa muhusungwa vanhu vari ku Uyghurs, kushora Mwari nekubvisa mashoko ari mugwaro re Ten Commandments, achitsiviwa nemashoko emunyori mukuru weChinese Communist Party, VaXi Jinping, uye hatina kuramba takanyarara pazvakaitwa,” vakadaro VaPompeo.
Mumakore maviri apfuura, bazi reAmerica rezvekudyidzana nedzimwe nyika, rakaita misangano miviri yemakurukota iine chinangwa chekusimudzira kusununguka kwezvitendero, vakuru vakuru vezvitendero munyika dzepasi rose, vakaungana vaine chinangwa chekudzivirira kodzero yezvitendero pasi rose.
America yakazvipira kuchengetedza zvitendero zvevanhu vepasi rose. Iyi inhaka inodadisa yakasiyiwa nevakatanga kuwanira nyika ino rusununguko, avo vakavaka America vaine donzvo rekuona kuti vanhu vemuAmerica vachengeterwa kodzero dzavo dzisina ani anodzibvisa, uye izvi zvikaiswa mugwaro rakashandiswa mukuzvipa kuzvitonga kweAmerica, re Declaration of Independence, pamwe nebumbiro remitemo yenyika, vakadaro VaPompeo
“Gwara redu rinobata nyika dzekunze, rine musimboti waro unobva mukunzwisisa kodzero dzose,’ vakadaro VaPompeo. “Kuzvipira kwakadai ndiko kuri kupa kuti tive jenaguru murusununguko pasi rose. . . .Imba yedu inobata zvekunze, yakavakwa panzvimbo yakasimba, pakatariswa zviga zvakashandiswa mukuumbwa kwenyika yedu.”
‘Mwari Haakonzeri Kana Kubvumidza Matambudziko Edu’ – Mufundisi Johannes Gumbo
Senior Pastor, Doctor Johannes Gumbo, veShephard House United Methodist Church, muDurham, North Carolina, vanoti mukuwoma nemukunaka kwezvinhu, Mwari anenge aripo.
Mufundisi Gumbo vanoti zvinhu zvirikuitika munyika mazuva ano zvinogona kukanganisa mafungiro evanhu uye zvinogona kuvabvisa mukuona hunako hwaMwari.
Mufundisi Gumbo vanoti kana vanhu vasvika pakuomerwa, vanogona kunetseka mupfungwa dzavo, vachizvibvunza kuti sei zvinhu zvakaoma kudaro zvichiitika kwavari.
Vanoti Mwari haasi iye anounza kwatiri zvinhu zvakaipa kana zvakatiomera, vachiti Mwari aripo nguva yese zvayo patinenge tichida rubatsiro rwake.
“Ino Ndiyo Nguva YeVaKristu Yekuratidza HuKristu Hwavo” - Bishop Chad Gandiya.
Bishop Nicholas Chad Gandiya vanoti hapana nguva inopfuura sazvino kuti vaKristu varatidze huKristu hwavo.
Bishop Gandiya vanoti Covid-19 haikwanisi kuregesa vaKristu kuita zvechitendero chavo, vachiti kunyange parizvino vanhu vasingaungani pamwe chete semakore ose, Covid-19 haikwanisi kuchinjisa vaKristu netsika dzavo kubva mukuita zvavanofanirwa kuita sevatendi.
Vanoti kubatsirana panguva inogozha iyi, ndiko kunoratidza kudzama kwe chiKristu chiri muvanhu.
Facebook Forum